XX. mendeko Euskararen Corpus estatistikoa
Testuingurua
Etxegin ori Jaungoikoa'ren irudi dogu.
Etxegiña jauregia eraikiteko asmoak darabillan legez, Jaungoikoa be, izaki bidez, Bere aintza ta edertasuna agertzeko asmoak darabil.
Etxegiñak, gei bakoitxari bere elburua ta langille bakoitzari bere arazoa ezarri dautsozan legez, Jaungoikoa'k bere, izaki bakoitzari bere elburua ezarri dautso.
Baiña gei ta langilleok elburu batera joten dabeen legez, baita izakiak bere, bakoitzak bere bide ta eraz, elburu batera joten dabe.
Etxegiñak, bakoitzari bere elburua ezarri ta elburu orretara eltzeko bidea gertetan dautse.
Jaungoikoa'k berebat, izaki bakoitzari bere elburua ta elburu orretara eltzeko bear dauna damotso.
Etxegiñak bere ardurapean daukoz bai gei, bai langilleak, eta guztiok bere asmoa burututzeko eraz darabiltz.
Jaungoikoa'k, orrez gaiñera, izaki bakoitza sortu eta bizi-arazo eragiten dautso.
Langilleak, buru-jabe izanda bere, eurok igarteke, joten dabe etxegiñaren asmoetara; gizonok, geuk igarteke, garoaz Jauna'k bere asmoetara.
Ain zuzen be, auxe da Edesti-jakintzaren korapillorik zaillena: gizarteko jazopenetan Jaungoikoa'ren eskua oartu.